ამ ბოლო ხანებში კარგი ფილმების ნაკლებობას განვიცდი. არა, მართლა. აი, ვუყურებ ახალ ფილმებს და ყველაფერი იმდენად, იმდენად ერთფეროვანი და წინასწარ ადვილად გამოსაცნობია, ყურების ხალისიც კი მეკარგება…
კომერციამ ჩაყლაპა მგონი საინტერესო ფილმები, არ ვიცი. ისიც არ ვიცი, მარტო ვარ, თუ ასეთ დანაკლისს სხვაც გრძნობთ ვინმე…
მოკლედ, შემთხვევით თუ გადავაწყდები ხოლმე კარგ ფილმს და გადავწყვიტე, თუ ასეთს მივაგნებ, გაგიზიაროთ ხოლმე.
ჰოდა, აი ისიც. სიმართლე გითხრათ, არ ვიცი, სწორად როგორ გადაითარგმნება “My Blueberry Nights”: ჩემი იასამნისფერი ღამეები? ჰო, ალბათ. პრინციპში, არც აქვს არსებითი მნიშვნელობა. უცნაური ფილმია, აი რაღაცნაირი. ყველას, ალბათ, არც მოეწონება ზუსტად ისე, როგორც კენკრიანი კექსი არ უყვართ ხოლმე. თუმცა, გემოვნებაზეა დამოკიდებული…
ეს არის ბარის, ბარის პატრონის, გასაღებებისა და ერთი გოგონას ისტორია, რომელსაც ერთ – ერთი გასაღები ეკუთვნის… რა შუაშია აქ ნაყინიანი და კენკრიანი კექსი, თავად ნახეთ. ეს უკვე თქვენი იასამნისფერი ღამე იქნება და არა ჩემი.
რაც მართალია, მართალია: მსახიობების შემადგენლობა იმედს ნამდვილად არ გაგიცრუებთ: ნორა ჯონსი, ჯუდ ლოუ, ნატალი პორტმანი…
ესეც მუსიკა ფილმიდან. ცხადია, თავად ნორას შესრულებით:
ესეც ფილმის ბმულები: filmix.net imovies.ge
თუ ყურებას გადაწყვეტთ, კარგს იზამთ. შემდეგ პოსტამდე 🙂
თამრის ბლოგი 