სიცხე და პატარ-პატარა რჩევები


გვცხელა,  ვიხრჩობით, ვიწვებით და ვიგუდებით. ჩვენ საინფორმაციოებს თუ დავუჯერებთ, უახლოეს დღეებში ჰაერი კიდევ “გათბება” და 40 გრადუსს მიაღწევსო. როგორ მაინტერესებს, აქამდე 48 რომ იყო, არ იციან ჯერ? 🙂

ეს სხვა დროს. ისე კი ამ ლეღვის ნახარშის მომრავლებამ და გადაჭარბებულმა სიცხემ მაფიქრებინა, რომ რამდენიმე მარტივი რეკომენდაცია არ გვაწყენდა სიცხის თაობაზე.

პირველ რიგში, შეეცადეთ მზეს მოერიდოთ დილის 11-დან საღამოს 5-მდე, როცა მზის აქტიურობა ყველაზე მაღალია. ატარეთ ქუდი და ღია ფერის სამოსი. გაითვალისწინეთ, რომ რაც რია ფერისაა ტანსაცმელი, მით მეტად აირეკლავს მზის სხივებს და თქვენც ნაკლებად გცხელათ ( შეგიძლიათ თქვენით შეამოწმოთ ეს თეორია; მზეზე თუ დადგავთ ორ წყლიან ჭურჟელს- თეთრს და მუქს, მუქში წყალი უფრო მეტად გაცხელდება). აი ქუდი კი მშვენიერ აქსესუარად შეიძლება აქციოთ და, თანაც მზის დაკვრასაც აარიდოთ თავი. მე გადავიტანე ერთხელ და არ გირჩევთ ნამდვილად 🙂

ძაღლები სიცხეში ენაგადმოგდებულები რომ დარბიან, კი არ ეხლალისებათ 🙂 ასე ზრდიან სითხის აორთქლებას სხეულის ზედაპირიდან. ვერ გირჩევთ, თქვენც ენაგამოყოფილებმა იაროთ, ამიტომ მიიღეთ დიდი რაოდენობით სითხე:drinks:. დღიური ნორმა დაახლოებით 4 -5 ლიტრია, საიდანაც ჩვენ ცოცხალი სახით 2-2,5 ლიტრს ვიღებთ, ხოლო დანარჩენს საკვებიდან; სიცხეში უფრო მეტი სითხე გვჭირდება, ვიდრე ნორმალური ტემპერატურისას, რადგანაც აორთქლება სხეულის ზედაპირიდან მეტია.  1 ლიტრი წყლის დაკარგვის შემდეგ ჩნდება წყურვილის შეგრძნება, 2 ლიტრზე ქვეითდება შრომისუნარიანობა, 3 ლიტრზე იწყება ჰალუცინაციები, 4 ლიტრზე კი არ მკითხოთ საეთოდ, რა შეიძლება დაგვემართოს. ორგანიზმის წყლის საერთო შემცველობის 10 %-ს დაკარგვისას წინაპრების მონახულების საშუალებაც მოგეცემათ. მოკლედ, სვით რაც შეიძლება ბევრისითხე, თუმცა, გულით ავადმყოფებმა უნდა გაითვალისწინოთ, რომ წყლის ზედმეტმა სმამ შეიძლება პრობლემებიც შეგიქმნათ.

სითხესთან დაკავშირებით კიდევ ერთი, აღმოსავლური რეკომენდაციაა ცხელი ჩაი. მისი მიღებისას აქტიურდება  ოფლის წაროქმნა და აორთქლება ზედაპირიდან, რაც გადახურებისგან გვიცავს. გეთანხმებით, ცოტა არაესთეტიური, თუმცა ეფექტური მეთოდია. თუმცა ამას ემატება ჩაის არაჩვეულებრივი თვისებები და მისი ვიტამინების შემცველობა. მაგალითად მწვანე ჩაიში შემავალი С, Р და РР ვიტამინები და სხვა კომპლექსები, რომელიც გვიცავს მზის ულტრაიისფერი გამოსხივებისაგანაც ჩაის ცივი სახით მიღების შემთხვევაშიც. სხვათა შორის ჩაი უფრო უკეთ კლავს წყურვილის შეგრძნებას, ვიდრე წყალი, ამიტომ ცივადაც კი სასარგებლოა მისი მიღება.

ქალებისთვის, განსაკუთრებით კი მათთვის, ვისაც მშრალი და ღია ფერის კანი აქვს, აუცილებელია წყლის საჭირო რაოდენობით მიღება, რომ კანი არ გამოშრეს და ნაოჭებსაც დავაღწიოთ თავი.

ნუ გამოიყენებთ ლეღვის ნახარშს, გამოიყენეთ მზისგან დამცავი კრემები და დაიცავით დოზირება რუჯის მიღებისას. ასევე ნუ გამოიყენებთ ტანის ზეთებს მაშინ, როცა მზეზე გიწევთ გასვლა, რადგანაც ასეთ შემთხვევაში იგივე მდგომარეობაში ვარდებით, როგორც ქურაში ცხიმწასმული ქათამი და, რამდენადაც უნდა გაგიკვირდეთ, შედეგიც ანალოგიურია 🙂

დანარჩენ რჩევებს, როგორიცაა კონდენციონერი, ვენტილატორი, ცივი ვანა, სოფლებში და ზღვაზე გაქცევა, არ ჭირდება დიდი განმარტებები. ასე, რომ წარმატებები. გახსოვდეთ, სიხცე ჩვენი გამარჯვებაა 🙂

ბონუსად პროგნოზი 🙂

კვირის რომელ დღეს დაიბადე?


ამბობენ, ის რომ დღე, როცა დაიბადეთ, გავლენას ახდენს თქვენს ხასიათზე. წარმოდგენა არ მაქვს, სიმართლეა თუ არა, მაგრამ მაინც გიზიარებთ. ჩემს შემთხვევაში ნამდვილად არის დამთხვევები 🙂

  • ორშაბათი, მთვარის დღე_ ნეგატიურია მამაკაცებისთვის, ბედნიერი_ქალებისათვის. ითვლებოდა, რომ ორშაბათს დაბადებული გოგონასგან გაიზრდებოდა კარგი ცოლი, დიასახლისი, დედა. მაგრამ კაცებისგან კარგს არაფერს ელოდნენ. ორშაბათს დაბადებული კაცი კაპრიზული, მატყუარა და “ცხოვრებას მორგებულია” 🙂
  • სამშაბათი, მარსის დღე, ომის ღმერთის დღედ ითვლება. ამ დღეს მამაკაცებში იბადებოდნენ მებრძოლები, სამხედროები, ქალებში ამაზონიელები, ამორძალები. მეც, თქვენი მონამორჩილი, სამშაბათის პირმშო გახლავართ 🙂
  • ოთხშაბათი, მერკურის დღე_ ამ დღეს იბადებიან მომავალი ექიმები, პოეტები, მეცნიერები.
  • ხუთშაბათი, იუპიტერის დღე_იბადებიან მაღალი კასტის წარმომადგენლები, მასწავლებლები, , მმარტველობის უნარით დაჯილდოებულნი, ღვთისმსახურნი.
  • პარასკევი, ვენერას დღე_იბადებოდნენ ისინი, ვისაც ვისაც უყვარს გართობა, კმაყოფილება და კარგი საკვები. ასეთი ხალხი “გამოსადეგად” ხელოვნებაში ითვლებოდა.
  • შაბათი, სატურნის დღე_იბადებოდნენ ასკეტები, განდეგილები, მეფეები.
  • კვირა, მზის დღე_ ამ დღეს დაბადებული ითვლებოდა ბედნიერ ადამიანად. როგორც კაცი, ასე ქალი დაბდებული იყო ხელოვნებისათვის.

მამრებო, სიყვარულით, მდედრებისაგან


“ქალი გულის სამოთხე, სულის ჯოჯოხეთი და ჯიბის განსაწმენდელია”

ესპანური ანდაზა

ამბობენ, რომ ეს კონფლიქტი არასდროს დასრულდება. ქალი და მამაკაცი ვერასდროს მორიგდებიან. ეს ნამდვილად სიმართლეა. ჩვენ ყოველთვის გაგლანძღავთ, ყოველთვის გვეყვარებით და თქვენც არ დაგვაკლებთ ალბათ. მანამდე კი 10 მცნების მსგავსი ჩამონათვალი თქვენ, კაცებს ჩვენგან, ქალებისგან:1. მცნება პირველი: მე ვარ ქალი, ცოცხალი და ბიოლოგიურად აქტიური არსება და არა იატაკის მწმენდავი, სახლის მლაგებელი, შვილების გამჩენი, გაზქურის შემცვლელი, ზურგის და მუშტების  დასაფხანი მექანიზმი. ჩემი ფუნქციები მხოლოდ “კუხნა-კრაოტით” არ შემოიფარგლება. მეც პიროვნება ვარ.

2. მე თუ მიყვარხარ, ეს იმას არ ნიშნავს, რომ სულ მეყვარები. როგორც პროდუქტს გასდის ვადა, ისე ემართება ჩემ გრძნობებსაც. ხოდა, ან მაცივარი უნდა შეაშველო ამ ამბავს, ან კარგი მოვლა. მხოლოდ პოტენციით საქმე არ კეთდება.

3. და მანც, თუ საქმე პოტენციასა და ღალატზე მიდგა, ჩვენი უმრავლესობისთვის მიუღებელია ქმრის (ბოიფრენდის, მამის, ბიძიიის, დეიდაშვილის ქუსლის ბიძაშვილის) ღალატი! თავის მართლებაც იმით, რომ კაცების ფანტაზია და მოთხოვნილებები განსხვავებულია, სასტიკად მიუღებელია. თუ საქმე საქმეზე მიდგა, კაცებს მხოლოდ 1 სახეობის ორგაზმი გაქვთ. ჩვენ კიდენა 3 სახის (გახარბებთ). ჰოდა, მრავალფეროვნება ჩვენ უფრო გვჭირდება, ვიდრე თქვენ.

4. ნუ შეგვაკალით თქვენს ინტელექტს და იმ 12 მილიონ ნეირონს, შეგვარგეთ ჩვენი 9 მილიონი. ვაღიარებთ, რომ ჩვენზე ჭკვიანები ხართ, მაგრამ მაინც არც ერთმა არ იცით, კვერცხი მარტო კარაქში რომ არ უნდა შეწვათ და, ბოლოს, ვერ გაგიგიათ, ცეცხლი რატომ ეკიდება ტაფას 🙂 ჩვენ ჩვენი სფერო გვაქვს, თქვენ_თქვენი.

5.პატივი გვეცით და პატვცემულნი იქნებით, მოგვიარეთ და მოგივლით, შეგვიყვარეთ და შეგიყვარებთ, მაგრამ ზომიერებას ნუ დაივიწყებთ. ყველა კაცში ზის პატარა, მძინარე სულთანი. მოდი, ნუ გავაღვიძებთ ამ მძინარე სულთანს.

6. ხო, ნუ გადაგვაყოლეთ იმ ვაშლს,.. რა ჩვენი ბრალია, ადამი თუ ქლიავი იყო და ყველაფერს ჭამდა, რასაც აძლევდნენ! 🙂

8. გვაღიზიანებს თქვენი სიშტერე, მერყეობა, წუწუნი, უპერსპექტივობა. ასეთები ჩვენი თავებიც გვყოფნის. ჩვენ გვჭირდება დასაყრდენი და არა ხალადეცს რომ გავს, ისეთი კაცი.

9. We love surprises 🙂 გაგვიკეთეთ ხშირად კეთილი და სიყვარულიანი სიურპრიზები. (კეთილ სიურპრიზებში არ იგულისხმება საწოლში სხვასთან ერთად რომ წაგასწრებენ).

10. სასურველია, ლოგინში ფერარი იყოთ, სახლში_ რაფაელლო თხილის გულით.  ჩვენც, ჩვენი მხრიდან, შევეცდებით განათების ბოძს რ დავემსგავსოთ.

P.S. და ბოლოს, გახსოვდეთ, რომ ფემინიზმი, ემანსიპაცია და სხვა მსგავსი რაღც(ე)ები დიდი სისულელეა. ყველა ქალი ქალია. კაცობრიობას კიდევ გაგრძელება ჭიდება. ამიტომაც შეგვიყვარეთ, გვაქციეთ ბედნიერებად და დარწმუნებულნი იყავით, თქვენც ბედნიერები და კმაყოფილები იქნებით.

სიყვარულით, სულის ხუთვით და გულის ბრაგუნით, ქალები.

უდიდესი პატარა სიამოვნებები ანუ რა გახარებთ თქვენ?


თურმე ყველაზე სასიამოვნო ადამიანისთვის ძილი ყოფილა. ასეთი დასკვნა გააკეთეს ბრიტანელმა მეცნიერებმა.
მართლაც რა ჯობს ძილს აბა? ადამიანი 23 წელს ატარებს ძილში.

შემდეგი პატარა სიამოვნებაა საკუთარ ჯიბეში შემთხვევით ჩარჩენილი 10 ფუნტის აღმოჩენაა. მომხრე ვარ, ძალიან კარგი გრძნობაა. რამდენჯერ გამომიყენებია ასეთი ნაპოვნი ფული… ისე, სასურველია, სურათზე მითითებული თანხა ვიპოვო ერთხელ მაინც .
მესამე ადგილზეა საწოლში შეყვარებულთან ჩახუტება
(ვეხუტები მხოლოდ სამუშაო დღეებში)

მეოთხე ადგილზეა ცრემლის დენამდე სიცილი, აი, ასეთი ====>>
იცინეთ ხალხოოო
5 წუთიანი სიცილი 15 წუთიან ვარჯიშს ცვლის და ახანგრძლივებს სიცოცხლეს
მეხუთე ადგილზეა დიდ ხანს ლოგინში კოტრიალი.
ოღონდ ფრთხილად უნდა იყოთ, არავის რომ არ შემოეჭამოთ.
ლოგინის სისუფთავე ამ შემთხვევაში ძალიან მნიშვნელოვანია, სწორედ ამიტომ ეს პირობაა მეექვსე ადგილზე
ამას მოყვება მაღაზიებში სიარული და საჭირო ნივთების შეძენა მაღაზიებში ფასდაკლებით.
მეცხრეა თანამოსაუბრის სახეზე სიცილის
გამოწვევა.
ათეულს კი მოგონებებში ჩაძირვა და მათზე სიცილი ასრულებს.
მეთერთმეტეა მშობლებთან ერთად სადილი გამოსასვლელ დღეებში, მეთორმეტეზე_ სიამოვნება, რომელსაც ადამიანებს გარეგნობის გამო მიძღვნილი კომპლიმენტები ანიჭებენ. მეცამეტე ადგილი საწოლია, ოღონდ კარგ წიგნთან ერთად. მეთოთხმეტეა ზედმეტი წონის დაკარგვის გამო სიხარული.
სიამოვნებას შორისაა საწოლში მიტანილი მოულოდნელი საუზმე, დილაობით ადრე გაღვიძება სამსახურში წასასვლელად და უცებ იმის გახსენება, რომ დღეს დასვენების დღეა;
უცნობები, რომლებიც ქუჩაში გიღიმიან, ძველი ალბომების თვალიერება და პირველი თოვლიც კი.
ხანდახან სულ პატარა დეტალიც კი სიამოვნებაა

სისხლის ჯგუფები და ხასიათი


ისევ დღიურის თემა. ეს პოსტი იმდენად კარგი გამოვიდა, რომ მეც კი მომეწონა 🙂 ასე რომ წაიკითხეთ, გაეცანით და დაწერეთ თქვენი აზრი და სისხლის ჯგუფი

ჰემატოლოგებისა და ფსიქოლოგების კვლევების შედეგად გაირკვა, რომ ადამიანის სასიყვარულო ტემპერამენტი და ხასიათი არა მხოლოდ სისხლში არსებულ ჰორმონებზე, არამედ თავად სისხლის ჯგუფზეც ყოფილა დამოკიდებული 🙂

პირველი ჯგუფის მქონე ადამიანები ენერგიულები და გულღიანი არიან. მათ შესაშური ჯანმრთელობა და ნებისყოფა აქვთ. სტრესულ სიტუაციებს ადვილად უმკლავდებიან და დახარჯულ ძალებსაც ადვილად აღიდგენენ. აქვთ

წარმატების მიღწევის კარგი პერსპექტივა და ლიდერობის სურვილი. მიზნისთვის ბოლომდე იბრძვიან და დარწმუნებულნი არიან საკუთარ შესაძლებლობებში. თუმცა, ამავე დროს ნაკლოვანებებიც აქვთ: ეჭვიანობა, აჩქარება და უსაზღვრო ამბიციები…

სექსულალურად საკმაოდ აქტიურები არიან. მუდმივად ეძებენ გასაქანს მოზღვავებული ენერგიისათვის  ( 🙂 ). ყველგან და ყველაფერში, მათ შორის, შექსშიც სიახლეებს ესწრაფვიან.

მეორე ჯგუფში საქმე სხვაგვარადაა. ამ ჯგუფს განეკუთვნებიან გულმოდგინე და კეთილსინდისიერი ადამიანები. მათ უყვართ ჰარმონია, სიმშვიდე და წესრიგი. საქმეს არასდროს ღალატობენ და  და თავდაუზოგავად შრომობენ. როგორც წესი, ნიჭიერები და, ამავე დროს, ერთგული მეგობრები არიან; კარგად ეწყობიან ადამიანებს.  არიან მგრძნობიარენი  და  კარგი მოთმინების უნარითაც გამოირჩევიან. ნეგატიური თვისებებიდან შეიძლება გამოიყოს პირდაპირობა (მე არ ვთვლი ამას ნეგატიურად 🙂 ), სიჯიუტე და იმპულსურობა. ახასიათებთ მაქსიმალიზმი.

რაც შეეხება სექსს, ისინი აქაც თავმდაბალნიდა გაწონასწორებულნი არიან (ძალიანაც ნუ ექნებათ ჰემატოლოგებს ამის იმედი 🙂 )

მესამე ჯგუფის მატარებელი ადამიანები დელიკატურები და ემოციურები ყოფილან. როგორც თავიანთ თავს, ისე გარშემომყიფებს საკმაოდ დიდ მოთხოვნებს უყენებენ. ჩამოყალიბებული ინდივიდუალისტები არიან და ისე იქცევიან, როგორც სურთ, ამიტომაც ხშირად ეხვევიან კონფლიქტებშიც 🙂 . ადვილად ახდენენ ადაპტაციას ყველაფერთან. აქვთ წარმოსახვის არაჩვეულებრივი უნარი.

ამ ჯგუფის ადამიანების გარეგნობა მატყუარაა. რამდენადაც  მშვიდნი და გაწონასწორებულნი ჩანან, იმდენად “უდუღთ” შინაგანი სამყარო და ამტკიცებენ კიდეც ამას პარტნიორს საწოლში 🙂 . ისინი გრძნობებითა და ვნებებით არიან აღსავსენი. გამოირჩევიან ტემპერამენტითა და სულიერი დახვეწილობითაც.

მეოთხე ჯგუფის სისხლი ყველაზე იშვიათია. ( ჩვენსკენ სამეფო გჯუფს ეძახიან, რადგანაც დამახასიათებელია ბაგრატიონთა გვარის წარმომადგენელთათვის. სხვათა შორის, ტურინის სუდარაზეც სწორედ მეოთხე ჯგუფის სისხლია აღმოჩენილი). ისინი გრძნობებითა და ემოციებით ცხოვრობენ, თუმცა გაწონასწორებულები არიან. გარშემომყოფებს, როგორც წესი, ეს ადამიანები უყვართ და მათთან კარგადაც გრძნობენ თავს, რადგანაც არ უჭირთ ადამიანების გართობა. არიან ტაქტიანები, სამართლიანები და ობიექტურები. ნეგატიური თვისებები: სწრაფად ბრაზდებიან,  არჩევანის გაკეთებისას დიდხანს ყოყმანობენ და უჭირთ გადაწყვეტილებების მიღება. ხანდახან უხეშებიც არიან და ხშირად მოზდით კონფლიქტებიც, მაგრამ უფრო საკუთარ თავთან, ვიდრე სხვასთან.

ამ ჯგუფზე ამბობენ, რომ ისინი ყველაზე ვნებიანები არიან. რასაც უნდა აკეთებდნენ, იქნება ეს ჩხუბი, განშორება თუ საჯარო გამოსვლა, ყველაფერს ძლიერ ემოციურ დაღს ასვამენ და თავსაც დიდი სიხარულით ამჟღამნებენ. ასეთი ადამიანებისთვის სექსი ყველაფრის ბოლომდე გაცემას ნიშნავს, მაგრამ ზოგჯერ საკუთარი ფანტაზიების რეალობად ქცევისთვის ფანტაზია არ ყოფნით….