საზამთროიანი მძარცველი, კაფე სამების ეზოში და კიდევ 6 ძალიან სასაცილო ამბავი ჩვენზე


ეს ორი – სამი დღეა, ჩემი FB ნიუსფიდი საშინელ დღეშია.

მთავარი თემები ნინის და ირაკლის სკანდალური დაშორება, გაყალბებული ეროვნული გამოცდები, ფეხებზე შპარგალკაწაწერილი პედაგოგები, ბანკში შევარდნილი საზამთროიანი დამყაჩაღებელი, პუბლიცისტიკა, სამი ექვსიანის გამო გამოცდიდან გაქცეული მასწავლებელი და 1000 ლარით დაჯარიმებული სტუდენტებია. შეიძლება გამომრჩა რამე, არ ვიცი, მაგრამ ერთად რომ კითხულობ, ძალიან უცნაურად და სასაცილოდ ჟღერს. მით უმეტეს, ერთი გადაფურთხება ქვეყანა ვართ. მოიმარჯვეთ რაიმე ცივი და დავიწყოთ:

1003830_636011683078284_2016348409_n
წყაროს სანახავად ჰკლიკეთ ფოტოს 🙂

ამბავი პირველი: ნინის და ირაკლის თემამ მთელი კვირაა დრონი.გე, რეიტინგი და მარაო.გე ააყვავა ვიზიტორებით. იწერება საპატარძლოს კომენტარები, დაქალების გამოძახილები, კუტალაძის ნათესავების კომენტარები, სქრინები იდება პატარძლის Fb-დან და არის ერთი წიოკი. ამ ყველაფრერზე მთელი ინტერნეტ-მოსახლეობა ბჟირდება, ქმრის წარბებზე ჭორაობს და 3 ბანაკად იყოფა: კუტალაძის კამანდა, ნინის ფანკლუბი და პოხუისტები. საბოლოოდ სამივენი ამ ხალხის პირად ცხოვრებაში ვყოფთ ცხვირს. აი ახლა ვზივარ და ვფიქრობ: მამენტ, ვისი რა ტრაკის საქმეა, ვინ ვის რატომ ეყრება და ვისგან აჩენს ბავშვს. ისეთი სიტყვის თავისუფლების დედა ვატირე, სხვის ცხოვრებაში რომ ჩაყოფს ცხვირს, თან ძუნგლიანს და ამოყოფა აღარ უნდა! ერთადერთი გულდასაწყვეტი ამ ყველაფერში ისაა, რომ ძალიან ლამაზი კაბა მოცდა ტყუილად ნინის ქორწილში. ესაა და ეს. თორემ ვინ არ გაყრია ქმარს 9 თვის ორსული 😀
ამ ნაგვის კითხვის მაგივრად Pink.ge იკითხეთ, ხალხნო! ჩვენთან ასეთი ამბები არ ხდება.

მეორე და ჩემი ფავორიტი თემა:  ძარცვა საზამთროთი! აი წარმოიდგინეთ, მშვენიერი მზიანი დილაა. გაიღვიძა ადამიანმა და მოუნდა ბანკის გატანა. ნუ, ვის არ მოსვლია დილით ასეთი აზრი მშიერზე 😀 . ხოდა, ამანაც იპოვნა იარაღი და  მაყუჩად კარტოფილის გამოყენებას აპირებდა, მაგრამ საზამთრო უფრო Fashion – იაო, იფიქრა. შეიძლება, უბრალოდ, ხურდა მიაკლდა საზამთროზე გამყიდველთან ან ყავისფერს წითელი და მწვანე ფერი არჩია სუბიექტურად, რას გაიგებ. მოკლედ, შევარდა ეს ბიჭი დიღმის მასივის BOG-ის ფილიალში, ეს საზამთრო ძარცვის მერე ბანკში დააგდო ეულად, მინიმალური ოდენობის თანხა გაიტაცა და მიიმალა. ჰოლივუდური ფილმის სიუჟეტადაც გამოდგება ეს ისტორია, მე რომ მკითხო. ისე, ცოტა ხანში ეს საზამთრო რომ ამ ბიჭის მამა აღმოჩნდეს, არც ეს გამიკვირდება.

მესამე ამბავი: ვიღაც ზუგდიდელი მასწავლებელი ამტკიდებდა გუშინ, რომ უნარების ამოცანებმა გაჟონა და ბავშვების ნაწილმა იცოდა ტესტებიო. ატყდა ერთი ამბავი და მეორე დღესვე უარყო ამ ქალმა ეს ინფორმაცია. გამოაცხადა, გამომძალეს, ძალით მათქმევინესო.  თუმცა, ზემოთხსენებულმა ამბებმა გადაფარა ეს ისტორია ასე თუ ისე. ბმულს სამწუხაროდ ვეღარ მივაგენი.

ამბავი მეოთხე: პუბლიცისტიკა, რომელიც ყოველდღიურ კულტურაზე მიგვითითებს, კარგია, მაგრამ მითითება რომ გვჭირდება იმაზე, ქუჩაში რომ არ უნდა გადავაფურთხოთ, – უკვე ცუდი. ცუდია ისიც, პუბლიცისტი მწერალი რომ საშინლად გაუმართავად გწერს ამას (ახლანდელი ტექსტი საიტზე ჩასწორდა მილიონჯერ უკვე). ზოგადად, ისიც არაა კარგი, რომ ჩემი პოსტი არ ბრწყინავს ლიტერატურულად, მაგრამ მათგან განსხვავებით ეს პირადი ბლოგია და მე მწერალს არ ვეძახი ჩემს თავს. სხვა მხრივ ნამდვილად ვეთანხმები ამ ადამიანს.

ამბავი მეხუთე:  მიმინოშვილს თუ დავუჯერებთ, ფეხზეც ეწერა რამდენიმე მასწავლებელს შპარგალკა და შემოწმების შემდეგაც ბევრს ჩამოართვეს განსხვავებით აბიტურიენტებისაგან, რომლებთანაც მსგავსი რამ არ მომხდარა. რას იზამ, ჯერ ზედა თაობა გვყავს მისახედი და მერე მათ ქვემოთ ვინცაა, ისინი. არადა,  ასეთ ადამიანებს ხელფასს ვუხდით და საკუთარი შვილების განათლებას ვანდობთ…

ამბავი მეექვსე: მასწავლებელმა სასერთიფიკაციო გამოცდები იმიტომ დატოვა, რომ მეექვსე მაგიდაზე მოხვდა.   თუ არ გჯერათ, ნახეთ ბმული. დიახ, ჩვენ ჯერ კიდევ ბნელ ქვეყანაში ვცხოვრობთ, სადაც 6 – იანის ეშინიათ და 13 – ზე აკანკალებთ. ეს ადამიანიც ბავშვებს ასწავლის და ამასაც ხელფას ჩვენ ვუხდით. დასკვნა თქვენ გამოიტანეთ.

ამბავი მეშვიდე: 1000 ლარით დაჯარიმებული სტუდენტები პლაკატის გაკვრისთვის. დასკვნა: არც წინა მთავრობა გვივარგოდა არაფრად და  არც ახლანდელი უქნია ღმერთს.  ალბათ ხალხი არ ვვარგივართ ზოგადად და ამის ბრალია ყველაფერი, არ ვიცი. კანონი და კონსტიტუცია კი არა, საზამთროს და ქლიავის ყანა გვაქვს ქვეყანაში. აი ასე!

ამბავი მერვე: კაფე სამების ეზოში. ბმულს უკომენტაროდ გათავაზობთ. წასულია იმ ბიჭების საქმე, გოგოს პაემანზე სამებაში რომ იბარებდნენ, იაფად გამოვალთო.

დედაჩემს რომ მოვუყევი ეს ამბები წეღან, ბევრი იცინა. კარგა ხანი დამჭირდა იმისთვის, საზამთროს და კაფეს ისტორია რომ დაეჯერებინა. ბოლოს კი ვისხედით და ვფიქრობდით, რომ ზოგადად სასაცილოა ეს ყველაფერი, სატირიალი რომ არ იყოს. მაგრამ გასაკვირი აღარაა ასეთი რაღაცე(ე)ბი იმ ქვეყანაში, სადაც ტაბურეტიანი მამაოები და  ისეთი ადამიანები ცხოვრობენ, სხვების ლანძღვა ქრისტიანულად, მიღებულად და კეთილ საქმედ რომ მიაჩნიათ. ცუდია ჩვენს ქვეყანაში ცხოვრება და ასე იქამდე იქნება, სანამ საკუთარ შვილებს არ ვასწავლით ნაგვის ურნამდე მიტანას, რომ მიიტანს, მერე შიგნით ჩაგდებას და სხვა რელიგიის, ორიენტაციის, აზრისა თუ მსოფლმხედველობის პატივისცემას.

მანამდე კი ასეთ გასართობებს არ მოგვაკლებს მედია და ხალხი. აბა სხვა რა გვინდა: პურიც გვაქვს და სანახაობაც. საზამთრო და ლაღიძის კაფე გფარავდეთ. მომავალ პოსტამდე.

Advertisements

4 thoughts on “საზამთროიანი მძარცველი, კაფე სამების ეზოში და კიდევ 6 ძალიან სასაცილო ამბავი ჩვენზე

  1. აი ასეთ ქვეყანაში ვცხოვრობთ დღეს და ამ სატირალ/სასაცილო სიტუაციიდან თავის დაღწევის არანაირი პერსპექტივა არ გვეჭყანება უახლოესი მომავლიდან :/ შორეულ მომავალს რაც შეეხება, იქ ჯერ კიდევ არის იმედის პატარა, მბჟუტავი ნაპერწკალი.

    Like

დატოვე კომენტარი:

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s